जनता समाजवादी पार्टी (जसपा) ले बझाङ प्रदेश सभाको १ मा संघीय परिषद् सदस्य रामबहादुर जाग्रीलाई उठाउने भएको छ।
पार्टीको बिहीबार बसेको केन्द्रीय कार्यकारिणी समितिको बैठकले जाग्रीलाई उम्मेदवार बनाउने निर्णय गरेको हो। जाग्री २०७९ को निर्वाचनमा पार्टीबाट प्रतिनिधि सभा सदस्यका उम्मेदवार बनेका थिए। उनी केन्द्रीय सम्पर्क समितिका अध्यक्ष पनि हुन्।
इलाममा भने जसपाले पहिचानपक्षधरको तर्फबाट उम्मेदवार बनेका भनिएका डकेन्द्रसिंह थेगिमलाई समर्थन गर्ने भएको छ।
इलाम र बझाङमा वैशाख १५ गते उपचुनाव हुँदैछ। यसका लागि चैत २४ गते उम्मेदवारी दर्ताको कार्यतालिका रहेको छ।
