भक्तपुरमा एक जना पुरूष खोलामा मृत भेटिएका छन्।
शुक्रबार बिहान अन्दाजी साढे ११ बजे मध्यपुर ठिमी नगरपालिका-१ मनहरास्थित बिपी आँखा अस्पताल नजिकै मनहरा खोलामा पुरूष मृत भेटिएको जिल्ला प्रहरी परिसर भक्तपुरका डिएसपी ढुण्डीराज नेउपानेले जानकारी दिए।
शव फेला परेको खबरपछि प्रहरीको टोली खटिएर अनुसन्धान अघि बढाएको थियो।
मृतकको पहिचान नखुलेको डिएसपी नेउपानेले बताए।
अन्दाजी ४०/४५ वर्षको देखिने पुरूषले कालो पाइन्ट र एमिनिटी स्कुल तेस्रेटार भक्तपुरको बेल्ट लगाएका थिए।
उनको उचाइँ ६ फिटको रहेको प्रहरीले जनाएको छ। प्रहरीले घटनाको थप अनुसन्धान अघि बढाएको छ।
-1746009348.jpg)
