पहिलो पटक सगरमाथा आरोहण गर्ने दलका अन्तिम जीवित सदस्य कान्छा शेर्पाको निधन भएको छ।
शेर्पाको ९२ वर्षको उमेरमा बिहीबार बिहान काठमाडौंको कपनस्थित आफ्नै निवासमा निधन भएको नेपाल पर्वतारोहण संघले जनाएको छ।
संघका अध्यक्ष फुर गेल्जे शेर्पाका अनुसार शेर्पा केही समयदेखि अस्वस्थ थिए।
उनले भने, ‘उहाँसँगै सगरमाथा आरोहणको एउटा युग समाप्त भएको छ।’
कान्छा शेर्पा सन् १९५३ मा न्यूजिल्यान्डका सर एडमण्ड हिलारी र शेर्पा तेन्जिङ नोर्गेले सगरमाथाको शिखर विजय गर्दा त्यस टोलीका ३५ सदस्यमध्ये एक थिए।
हिलारी र तेन्जिङले ८,८४९ मिटर (२९,०३२ फिट) उचाइमा २९ मे १९५३ मा पहिलो पटक सगरमाथाको चुचुरोमा पाइला टेक्दा, कान्छा ती तीन जना शेर्पामध्ये एक थिए जसले उनीहरूलाई अन्तिम शिविरसम्म साथ दिएका थिए।
हिलारीको सन् २००८ र तेन्जिङको सन् १९८६ मा निधन भएको थियो।
नेपाल पर्वतारोहण संघका अनुसार शेर्पाको अन्त्येष्टि आगामी सोमबार गर्ने तयारी गरिएको छ।
(द गार्डियनबाट साभार)
1635339834.jpeg)
-1746009348.jpg)
