रामेछापमा बस दुर्घटनामा परेर ६ जनाको मृत्यु भएको छ।
यात्रुवहाक बस आज मन्थली नगरपालिका-६ त्रिवेणी घाटस्थित तामाकोशी नदीमा खसेको थियो।
दुर्घटनमा परी ६ जनाको मृत्यु भएको प्रमुख जिल्ला अधिकारी श्यामकष्ण थापाले जानकारी दिए। उनकाअनुसार प्रदेश ३–०१–००५ ख ९९७५ नम्बरको सडकबाट तामाकोशी नदीमा खसेको हो।
घाइते ८ जनाको उद्धार गरी अस्पतालमा पुर्याइएको छ।
‘५ जनाको बसबाट र एक जनाको बगेको अवस्थामा शव फेला परेको हो,’ थापाले भने, ‘बसभित्र कति थिए यकिन हुन सकेको छैन। चालकको भनाइ अनुसार २०-२२ जना थिए। तर काउन्टरमा टिपाउँदा १३ जनाको टिपाएको छ। बसलाई डोजरको प्रयोग गरी किनारामा तान्ने काम हुँदैछ।’
घटनास्थलमा उद्धार गर्न जिल्ला प्रहरी कार्यालय रामेछाप, सशस्त्र प्रहरी बल गुल्म रामेछाप, विपद व्यवस्थापन बेश खुर्कोटबाट टोली परिचालन भएको छ।
सशस्त्र प्रहरी बलका सहप्रवक्ता एवं डिएसपी शैलेन्द्र थापाका अनुसार मानिसको उद्धार गर्न गोताखोर परिचालन भएको छ।
-1746009348.jpg)
