रामेछाप बस दुर्घटनामा परेर १० जनाको मृत्यु भएको छ।
मंगलबार दिउँसो मन्थली नगरपालिका-६ त्रिवेणी घाटस्थित तामाकोशी नदीमा खसेको बस दुर्घटनामा ज्यान गुमाउनेको संख्या १० पुगेको नेपाल प्रहरीको केन्द्रीय प्रवक्ता डिआइजी अबिनारायण काफ्लेले जानकारी दिए।
उनकाअनुसार एक जना अचेत अवस्थामा फेला परेका र अर्का घाइतेलाई अस्पताल पुर्याउँदैछ।
प्रमुख जिल्ला अधिकारी श्यामकृष्ण थापाका अनुसार आठ जना गम्भीर घाइते छन्। त्यसमध्ये ३ जनालाई धुलिखेल अस्पताल पुर्याइएको छ।
प्रदेश ३–०१–००५ ख ९९७५ नम्बरको बस आज मन्थली नगरपालिका-६ त्रिवेणी घाटस्थित तामाकोशी नदीमा खसेको थियो।
घटनास्थलमा उद्धार गर्न जिल्ला प्रहरी कार्यालय रामेछाप, सशस्त्र प्रहरी बल गुल्म रामेछाप, विपद व्यवस्थापन बेश खुर्कोटबाट टोली परिचालन भएको थियो।
दुर्घटनामा बसका चालक पनि घाइते छन्। दुर्घटनाको कारण खुलिसकेको छैन।
-1746009348.jpg)
