विश्व क्रिकेटको ऐतिहासिक मेरिलेबोन क्रिकेट क्लब (एमसिसी) ले आज नेपालबाट आफ्नो ‘लिगेसि टुर’ सुरु गर्दैछ।
विकासिल क्रिकेट देशको क्रिकेट विकासमा योगदान दिने उद्देश्यले भ्रमणमा निस्किएको लन्डनको विश्वकै पुरानो मध्येको एक क्रिकेट क्लब एमसिसीले आइतबार नेपालको यु–१९ टिमसँग एकदिवसीय खेल खेलिरहेको छ।
एमसिसीले नेपालमा रहदा सिनियर टिमसँग पनि खेल्नेछ।
नेपाल भ्रमणका दौरान एमसिसीले पाँच वटा सरकारी विद्यालयमा अभ्यासका नेट प्रदान गर्नुका साथै स्थानीय प्रशिक्षक, शिक्षक र विद्यार्थीलाई क्रिकेट सिकाउनेछ।
२ साता नेपालमा रहने क्रममा एमसिसीले ६ खेल खेल्ने कार्यक्रम छ। जसमा नेपालको सिनियर टिमविरुद्ध हुने तीनदिवसीय खेललाई पहिलो श्रेणीको मान्यता छ।
नेपाल भ्रमणमा आएको १३ सदस्यीय टिमको कप्तानी ब्याट्सम्यान जिमी एडम्सले गर्नेछन्। उनले इंग्ल्यान्डको हाम्पस्रिनबाट १६ वर्ष खेलेका थिए।
टिममा पाकिस्तानबाट तीनै फर्म्याटको क्रिकेट खेलेका यासिर अराफात पनि छन्। टम वेस्ली, विली गडल म्यान लगायतका खेलाडी टिममा छन्।
सिरिजका लागि नेपालले पहिलो श्रेणी, टी–२० र एकदिवसीय गरी ३ वटा टिम घोषणा गरिसकेको छ।
तीन टिमको कप्तानी ज्ञानेन्द्र मल्लले गर्नेछन्। मल्लका लागि यो नेपालको पहिलो आधिकारीक कप्तानी हुनेछ।
तीन वटै टिममा कप्तान ज्ञानेन्द्रसहित आरिफ शेख, दिपेन्द्रसिंह ऐरी, विनोद भण्डारी, करण केसी, ललितनारायण राजवंशी, सन्दीप लामिछाने र सोमपाल कामी गरी ८ खेलाडीले स्थान पाएका छन्।
पवन सर्राफले टी–२० र पहिलो श्रेणीको टिममा स्थान बनाएका छन्। रोहितकुमार पौडेलले ५० ओभर र पहिलो श्रेणीमा स्थान बनाएका छन्। यस्तै बसन्त रेग्मी र शरद भेषवाकरले ५० ओभर तथा पहिलो श्रेणीको टिममा स्थान बनाएका छन्।
अमित श्रेष्ठ, अभिनास बोहोरा, नन्दन यादव, कुशल भुर्तेल, सुसन भारी र सन्दीप जोराले टी–२० टिममा मात्र स्थान बनाएका छन्।
पूर्वकप्तान पारस खड्का, विक्रम शोव र इशान पाण्डै ५० ओभरको टिममा मात्र छन्।
जितेन्द्र मुखिया र राजु रिजाल पहिलो श्रेणीको टिममा मात्र छन्।
एमसिसीको नेपाल भ्रमण
किर्तिपुर मैदानमा हुने खेल
कात्तिक १७ गते – नेपाल यु–१९ भर्सेस एमसिसी (५० ओभर)
कात्तिक १८ गते – नेपाल भर्सेस एमसिसी (५० ओभर)
कात्तिक २० देखि २२ सम्म – नेपाल भर्सेस एमसिसी (तीनदिवसीय– पहिलो श्रेणी)
कात्तिक २३ गते – नेपालको मिश्रित टिम भर्सेस एमसिसी (टी–१०)
पोखरा मैदानमा हुने खेल
कात्तिक २५ गते – नेपाल आमान्त्रित ११ भर्सेस एमसिसी (टी–२०)
कात्तिक २६ गते – मुख्यमन्त्री ११ भर्सेस एमसिसी (टी–२०)
नेपाली टिम
टी–२० टिम
ज्ञानेन्द्र मल्ल (कप्तान), आरिफ शेख, अमित श्रेष्ठ, अभिनास बोहरा, विनोद भण्डारी, दीपेन्द्रसिंह ऐरी, करण केसी, कुशल भुर्तेल, ललितनारायण राजवंशी, नन्दन यादव, पवन सर्राफ, सन्दीप जोरा, सन्दीप लामिछाने, सोमपाल कामी, सुशन भारी
५० ओभर टिम
ज्ञानेन्द्र मल्ल (कप्तान), आरिफ शेख, बसन्त रेग्मी, विक्रम शोव, विनोद भण्डारी, दीपेन्द्रसिंह ऐरी, इशान पाण्डे, करण केसी, ललितनारायण राजवंशी, पारस खड्का, रोहितकुमार पौडेल, सन्दीप लामिछाने, शरद भेषवाकर, सोमपाल कामी
प्रथम श्रेणीको टिम
ज्ञानेन्द्र मल्ल (कप्तान), आरिफ शेख, बसन्त रेग्मी, विनोद भण्डारी, दीपेन्द्रसिंह ऐरी, जितेन्द्र मुखिया, करण केसी, ललितनारायण राजवंशी, पवन सर्राफ, राजु रिजाल, रोहितकुमार पौडेल, सन्दीप लामिछाने, शरद भेषवाकर, सोमपाल कामी