नेपालको समूहमा रहेको वेस्ट इण्डिजले स्कटल्याण्डलाई १८३ रनको लक्ष्य दिएको छ।
आइसिसी टी-२० विश्वकप अन्तर्गत शुक्रबार कोलकाताको इडेन गार्डेनमा भएको खेलमा स्कटल्याण्डले टस जितेर बलिङ रोजेको वेस्ट इण्डिजले ५ विकेट गुमाउँदै १८२ रन बनाएको हो।
वेस्ट इण्डिजका लागि शिम्रोन हेटमायरले ३६ बलमा २ चौका र ६ छक्का प्रहार गर्दै ६४ रन बनाए। त्यस्तै ओपनर ब्रान्डन किङले ३० बलमा ४ चौका र १ छक्का प्रहार गरी ३५ रन जोडे।
सरफेन रथरफोर्डले १३ बलमा २६ रन, रोवमन पवेलले १४ बलमा २४ रनको योगदान गरे। कप्तान शाई होपले १९ रन जोडे।
बलिङतर्फ स्कटल्याण्डका ब्राड क्युरीले २ तथा सफयान शरिफ, ओलिबर डेविडसन र माइकल लिस्कले एक/एक विकेट लिए।
समूह 'सी' मा इंग्ल्यान्ड, वेस्ट इन्डिज, इटाली, नेपाल र स्कटल्याण्ड रहेका छन्।
नेपालले आइतबार इंग्ल्याण्डसँग, इटालीसँग माघ २९ गते, फागुन ३ गते वेस्ट इण्डिजसँग र स्कटल्याण्डसँग फागुन ५ गते खेल्नेछ।
-1746009348.jpg)
