आइसिसी टी-२० विश्वकप २०२६ को पहिलो दिनको अन्तिम खेलमा साविक विजेता भारतले वियी सुरुवात गरेको छ।
भारतको मुम्बईस्थित वानखेडे रंगशालामा भारतले अमेरिकामाथि २९ रनको जित निकालेको हो। यो खेलअघि यहि रंगशालामा उद्घाटन समारोह भएको थियो। समारोहमा बादशाहसहितका कलाकारले आफ्नो प्रस्तुती दिएका थिए।
अमेरिकाले टस जितेर पहिले बलिङ गर्ने निर्णय गर्दा भारतले बलिङमा बलियो सुरुवात गर्यो। जसका भारतले दिएको लक्ष्य पछ्याएको अमेरिकाले ८ विकेटको क्षतिमा १३२ रन मात्र बनायो।
मोहमद सिराज र अर्शदीप सिंहले लगातार ओभरहरूमा विकेट लिँदै क्रमशः एन्ड्रीज गौस र मोनांक पटेललाई आउट गरेर भारतलाई उत्कृष्ट सुरुवात दिलाए। अमेरिकाका लागि शुभम रन्जने र संजय कृष्णमुर्तिले ३७-३७ रन बनाए। बलिङमा भारतका सिराजले ३ विकेट लिँदा अर्शदीप र अक्षर पटेलले २-२ विकेट लिए।
त्यसअघि बलिङमा अमेरिकाले पनि सानदार सुरुवात गरेको थजियो। अली खानले खतरनाक ब्याट्सम्यान अभिषेक शर्मालाई शून्यमै आउट गरिदिए। त्यसपछि इशान किशन र तिलक वर्माले मिलेर इनिङ्स सम्हाल्ने प्रयास गरे। उनीहरूले ३७ रन जोडेका थिए, तर शेड्ली भान शाल्कविकले खेलको मोड नै बदलिदिए। उनले पावरप्लेको अन्तिम ओभरमा इशान किशन (१६ बलमा २० रन), तिलक वर्मा (१६ बलमा २५ रन) र शिवम दुबेलाई पहिलो बलमै (गोल्डेन डक) आउट गरे। पहिलो ६ ओभरको समाप्तिमा भारत ४६/४ को कठिन अवस्थामा पुग्यो।
सूर्यकुमार यादव र रिंकु सिंहले इनिङ्स उकास्ने प्रयास गरे पनि उनीहरूले मात्र २६ रन जोड्न सके। मोहम्मद मोहसिनले रिंकु सिंहलाई आउट गरे। अर्को ओभरमा हरमीत सिंहले हार्दिक पाण्ड्याको ठूलो विकेट लिएपछि भारत थप संकटमा पर्यो। त्यसपछि अक्षर पटेल सूर्यकुमार यादवसँग क्रिजमा आए र भारतको इनिङ्सलाई स्थिरता दिए। यी दुईले ४१ रनको महत्त्वपूर्ण साझेदारी गर्दै भारतलाई १०० रनको आँकडा पार गराए। तर, हरमीत सिंहले फेरि प्रहार गर्दै अक्षर पटेललाई आउट गरी आफ्नो दोस्रो विकेट लिए।
सूर्यकुमार यादवले कप्तानी इनिङ्स खेल्दै भारतको पारीलाई अगाडि बढाए, जसले गर्दा भारतले संघर्ष गर्दै १६१ रनको चुनौतीपूर्ण योगफल तयार पार्न सफल भयो। सूर्यकुमारले ४९ बलमा नटआउट ८४ रन बनाए। उनी खेलको प्लेयर अफ दि म्याच भए।
-1746009348.jpg)
