'जय ट्रफी पुरुष एलाइट कप २०२६' दुई दिवसीय प्रतियोगिताको पहिलो चरणका खेलमा विभागीय टोलीको वर्चस्व कायम भएको छ।
प्रतियोगिताको पहिलो खेलमा त्रिभुवन आर्मी क्लबले नेपाल पुलिस क्लबलाई ९ विकेटले पराजित गर्दा अर्को खेलमा नेपाल एपीएफ क्लबले बागमती प्रदेशमाथि ८ विकेटको सहज जित दर्ता गरेको छ।
नेपाल पुलिस क्लब र त्रिभुवन आर्मी क्लबबीचको आर्मीले पूर्ण नियन्त्रण कायम गर्यो। टस हारेर पहिले ब्याटिङ गरेको पुलिस क्लबले आफ्नो पहिलो इनिङ्समा ५३.३ ओभर खेल्दै ८ विकेटको क्षतिमा १८७ रन बनाएर पारी घोषणा गरेको थियो।
पुलिसका लागि रासिद खानले ३८ र आरिफ शेखले ३६ रन जोडे। आर्मीका पवन कार्कीले ४२ रन दिएर ४ विकेट लिएका थिए।
जवाफी ब्याटिङमा उत्रिएको आर्मीका लागि भीम सार्कीले सानदार ब्याटिङ गर्दै अविजित १०० रनको शतकीय पारी खेले। उनको शतकको मद्दतले आर्मीले ९ विकेट गुमाएर २३४ रन बनाउँदै पहिलो इनिङ्समा ४७ रनको अग्रता लियो।
दोस्रो इनिङ्समा पुलिसको ब्याटिङ धराशायी भयो। आर्मीका बलर शाहब आलमको कसिलो बलिङका सामु पुलिस मात्र ७० रनमा अलआउट हुन पुग्यो। दोस्रो इनिङ्समा पाएको सानो लक्ष्यलाई आर्मीले १ विकेट गुमाएर २४ रन बनाउँदै ९ विकेटको सानदार जित सुनिश्चित गर्यो।
मुलपानी क्रिकेट मैदानमा भएको अर्को प्रतिस्पर्धात्मक खेलमा एपीएफ क्लबले बागमती प्रदेशलाई ८ विकेटले पराजित गर्यो। बागमतीले आफ्नो पहिलो इनिङ्समा २०७ रन बनाउँदै पारी घोषणा गरेको थियो। बागमतीका लागि रित गौतम र आशुतोष घिरैयाले राम्रो सुरुवात दिलाए पनि एपीएफका बलरहरूले दबाब कायम राखे।
एपीएफले आफ्नो पहिलो इनिङ्समा २३९ रन बनाउँदै ३२ रनको महत्वपूर्ण अग्रता हासिल गर्यो। दोस्रो इनिङ्समा बागमती प्रदेशले सम्हालिएर खेल्न सकेन र सस्तैमा समेटियो। बागमतीले दिएको लक्ष्यलाई एपीएफले मात्र २ विकेट गुमाएर ७० रन बनाउँदै पूरा गर्यो।
यससँगै शीर्ष स्थानको एपीएफले २६.५ अंक जोडेको छ। दोस्रो स्थानको आर्मीको २४ अंक छ भने तेस्रो स्थानको बागमतीको १२ अंक र चौथो स्थानको पुलिसको १० अंक छ।
-1746009348.jpg)
