आइसिसी टी-२० विश्वकप २०२६ अन्तर्गत सुपर-८ को खेलमा इंग्ल्यान्डले श्रीलंकामाथि ५१ रनको उत्कृष्ट जित निकालेको छ।
आइतबार पल्लेकेलेमा १४७ रनको घरेलु टोली श्रीलंकालाई ९५ रनमा अलआउट गर्दै इंग्ल्यान्डले उत्कृष्ट जित निकालेको हो। जारी विश्वकपमा यो सबैभन्दा कम योगफल हो। यसअघि समूह चरणमा पाकिस्तानविरूद्ध नामिबिया ९७ रनमा समेटिएको थियो।
श्रीलंकाका लागि कप्तान दासुन शनाकाले सबैभन्दा बढी ३० रन जोड्दा अरु ब्याटरले सस्तैमा आउट भए। जसमा ७ ब्याटरले त दोहोरो अंकमा पनि रन जोड्न सकेनन्। जसमा शीर्ष चार ब्याटरले पनि दोहोरो अंकमा रन जोड्न नसकेका हुन्।
पावरप्लेमै ५ विकेट गुमाएको श्रीलंकाका ब्याटिङ लाइनअप ध्वस्त पार्न इंग्ल्यान्डका विल ज्याक्सले ३ विकेट लिए। उनले चार ओभरमा २२ रन मात्र दिए। जोफ्रा आर्चरले पनि पावरप्लेमै दुई विकेट लिएका थिए। यस्तै अदिल रशिद र लियाम डाउसनले २-२ विकेट लिए।
त्यसअघि टस जितेको श्रीलंकाले फिल्डिङ रोजेपछि पहिले ब्याटिङ गरेको इंग्ल्यान्डले पनि ब्याटिङ राम्रो गर्न सकेन। उसले ९ विकेटको क्षतिमा १४६ रन जोड्यो। जसमा ओपनर फिल साल्टले ४० बलमा जोडेको ६२ रन महत्वपूर्ण सावित भयो। विल ज्याक्सले २१ रन जोडे भने अरु ब्याटर सस्तैमा आउट भएका थिए।
बलिङमा श्रीलंकाका दुनिथ वेलालागेले ३ विकेट लिएका थिए। सुपर-८ को यो समूहमा न्युजिल्यान्ड र पाकिस्तानबीचको खेल वर्षाले रद्द भएको थियो।
-1746009348.jpg)
