युभेन्टस र अर्जेन्टिनाका फरवार्ड पाउलो डिबाला र इटालीका पूर्व कप्तान पाओलो माल्दिनीलाई कोरोना भाइरसको संक्रमण भएको छ।
डिबालाले इन्स्टाग्रामबाट आफू र आफ्नी गर्लफ्रेण्ड ओरियाना सबतिनीलाई कोरोना भाइरसको संक्रमण भएको जानकारी दिएका हुन्।
उनले आफूहरूको अवस्था हाल राम्रो भएको बताएका छन्।
त्यसैगरी एसी मिलानका प्राविधिक निर्देशक माल्दिनी र उनका १८ वर्षीय छोरा ड्यानियललाई कोरोना संक्रमण पुष्टि भएको क्लबले जारी गरेको विज्ञप्तिमा जनाइएको छ।
क्लबबाट जारी सो विज्ञप्तिमा एसी मिलानको पहिलो टोलीसँग प्रशिक्षण लिदैं आएका ड्यानियल र माल्दिनी दुई साता घरमै 'सेल्फ आइसोलेसन'मा बसेको र शारिरिक रुपमा ठीक नहुँदासम्म क्वारेन्टाइनमै बस्ने उल्लेख छ।
डिबाला कोरना भाइरसको संक्रमण पुष्टि भएका युभेन्टसका तेश्रा खेलाडी हुन्।
यसअघि क्लबका सेन्टर ब्याक डानिएले रुगानी र ब्लेज मातुइडी कोरोना भाइरस संक्रमण पुष्टि भएको थियो।
