ला लिगासहित स्पेनका सबै फुटबल गतिबिधि अनिश्चितकालका लागि स्थगित भएको छ।
विश्वभर फैलिरहेको कोरोनाभाइरसका कारण सबै फुटबल गतिबिधि बन्द गर्ने निर्णय गरिएको हो।
यसअघि ला लिगासहितका फुटबल गतिविधि दुई साताका लागि स्थगित गरिएको थियो।
यसअघि रियल म्याड्रिडको बास्केटबल टिमका खेलाडीलाई कोरोना लागेपछि रियलको पुरै फुटबल टिम क्वाेन्टाइनमा बसेको थियो।
लगत्तै ला लिगासहित सबै फुटबल गतिविधि २ साताका लागि स्थगित गरिएको थियो।
स्पेनमा अहिलेसम्म ३३ हजार बढीलाई कोरोना संक्रमण भेटिएको छ भने २१ सय बढीको मृत्यु भइसकेको छ।
