युइएफए नेसन्स लिगमा इंग्ल्यान्डले बेल्जियमलाई पराजित गरेको छ। आइतबार राति भएको खेलमा इंग्ल्यान्डले बेल्जियमलाई २-१ गोलले पराजित गरेको हो।
खेलमा अग्रता भने बेल्जियमले लियो। १६ मिनेटमा रोमेलु लुकाकुले पेनाल्टीमार्फत गोल गरेर बेल्जियमलाई अग्रता दिलाए। इंग्लिस डिफेन्डर एरिक डायरले फल गरेपछि प्राप्त अवसरमा लुकाकु चुकेनन्।
३९ मिनेटमा इंग्ल्यान्ड पनि पेनाल्टी पायो। प्राप्त अवसरमा मार्स्कोस रास्फोडले गोल गरे।
बेल्जियमका डिफेन्डरले इंग्ल्यान्डका कप्तान जोर्डन हेन्डर्सनलाई लडाए पछि इंग्ल्यान्डले पेनाल्टी पाएको थियो।
६४ मिनेटमा मासोन माउन्टले गोल गर्दै इंग्ल्यान्डलाई २-१ को अग्रता दिलाए।
समूह ए-२ को खेलमा जितसँगै शीर्ष स्थानमा उक्लिएको इंग्ल्यान्डले ३ खेलबाट ७ अंक जोडेको छ।
दोस्रो स्थानको बेल्जियमको ६ अंक छ। तेस्रो स्थानको डेनमार्कको ४ अंक छ भने पुछारको आइसल्यान्डले अंक जोड्न सकेको छैन।
समूह ए-१ को खेलमा इटालीलाई पोल्यान्डले गोलरहित बराबरीमा रोकेको छ।
यहि समूहको अर्को खेलमा नेदरल्यान्ड्सलाई पनि बोस्नियाले गोलरहित बराबरीमा रोकेको छ।
समूह ए-१ मा इटाली ३ खेलबाट ५ अंक जोड्दै शीर्ष स्थानमा छ। दोस्रो स्थानको नेदरल्यान्ड्स र तेस्रो स्थानको पोल्यान्डले समान ४-४ अंक जोडेका छन्। चौथो स्थानको बोस्नियाको २ अंक छ।
-1746009348.jpg)
