स्पेनिस ला लिगामा बार्सिलोना बराबरीमा रोकिएको छ। बार्सिलोनालाई आइतबार राति भएको खेलमा काडिजले १-१ गोलको बराबरीमा रोक्यो।
बार्सिलोनाको मैदानमा भएको खेलमा दुवै टिमले पेनाल्टीबाट गोल गरे।
खेलको ३२ मिनेटमा लिओनल मेसीले गोल गरेर बार्सिलोनालाई पहिले अग्रता दिलाए।
८९ मिनेटमा काडिजका फर्नान्डेजले पेनाल्टीमा बराबरी गोल फर्काए।
बराबरीसँगै बार्सिलोनाले शीर्ष टिम एट्लेटिको म्याड्रिडसँगको अंक दूरी कम गर्ने अवसर खेर फालेको छ।
शीर्ष स्थानको एट्लेटिकोको २३ खेलबाट ५५ अंक छ।
दोस्रो स्थानको रियल म्याड्रिडको २४ खेलबाट ५२ अंक छ भने बार्सिलोना २३ खेलबाट ४७ अंक जोडेर तेस्रो स्थानमा छ।