इंग्लिस प्रिमियर लिगको अंक तालिकाको शीर्ष तीनमा रहेका दुई क्लब बराबरीमा रोकिएका छन्।
बुधबार राति भएको खेलमा अंक तालिकाको दोस्रो स्थानमा रहेको म्यानचेस्टर युनाइटेडलाई क्रिस्टल प्यालेसले गोलरहित बराबरीमा रोक्यो।
यस्तै तेस्रो स्थानको लेस्टर सिटीले पनि बराबरी खेल्यो। लेस्टर र वर्नलीले १-१ गोलको बराबरी खेल्दै अंक बाडेका हुन्।
दुई क्लब बराबरीमा रोकिएपछि शीर्ष स्थानको म्यानचेस्टर सिटीलाई फाइदा पुगेको छ। अंक तालिकामा सिटी २७ खेलबाट ६५ अंक जोडेर पहिलो स्थानमा छ।
दोस्रो स्थानको म्यानचेस्टर युनाइटेडको समान खेलबाट ५१ अंक छ। शीर्ष स्थानको सिटी १४ अंकले अघि रहेको अवस्था छ।
तेस्रो स्थानको लेस्टरले ५० अंक बटुलेको छ।
