मंगलबार सुधारको संकेत देखिएको शेयर बजार बुधबार फेरी घटेको छ। आज ५.०१ अंकले घटेर बजार ११३७.०३ अंकमा पुगेको छ।
यस्तै ठुला कम्पनीको कारोबार मापन गर्न सेन्सेटिभ इन्डेक्स पनि १.६४ अंकले घटेर २४८.५८ अंकमा पुगेको छ।
आज नेप्से सुचक घटेसँगै कारोबार रकम पनि घटेको छ।
दिनभरीमा १ सय ५९ कम्पनी ७ लाख ३६ हजार कित्ता शेयर किनबेच भएको बुधबार जम्मा १९ करोड ६६ लाख १८ हजारको कारोबार भएको छ।
आज बजार खुलेदेखि नै बजार घट्न थालेको थियो। नेप्से सुचक घटेसँगै उपसुचक भने मिश्रीत देखिएका छन्।
आज सबैभन्दा बढी विकास बैंकको शेयर ७.४३ अंकले बढ्यो भने जलविद्युत २.७६ र म्युच्युअल फन्डको शेयर ०.०१ अंकले बढेको छ। बाँकी सबै समूह घटेका छन्।
सबैभन्दा बढी उत्पादन उपसमुहको शेयर सुचक १८.९४ अंकले घट्दा होटल सुचको १३.२२ अंकले तथा जीवन बीमा र निर्जीवन बीमा क्रमक १०.८१ र १०.८८ अंकले घट्यो।
सबैभन्दा बढी प्रभु बैंकको शेयर कारोबार भयो। प्रभुको ५ करोड ४४ लाख ६१ हजार रुपैयाँ बराबरको शेयर करोबार हुँदा दोस्रोमा नेपाल लाइफ इन्स्युरेन्स कम्पनीको १ करोड ११ लाख ५१ हजार रुपैयाँको शेयर कारोबार भयो।
यस्तै आज सबैभन्दा बढी कमाउनेमा ग्लोबल आइएमइ सम्मुन्नत स्किमका लगानीकर्ता छन् भने सबै भन्दा बढी गुमाउनेमा सिद्धर्थ बैंकका लगानीकर्ता छन्।
