रणवीर कपूरको बहुप्रतिक्षित फिल्म ब्रह्मास्त्र आगामी सेप्टेम्बर ९ मा रिलिज हुँदैछ।
यो फिल्मलाई अयान मुखर्जीले निर्देशन गरेका हुन्। ४१० करोड भारतीय रूपैयाँमा बनेको यो फिल्ममा भिएफएक्समा मात्र १५० करोड खर्च भएको छ।
फिल्ममा रणवीरका अलावा आलिया भट्ट, मौनी रोय, अमिताभ बच्चन र नागार्जुन देखिनेछन्। भारतीय सञ्चार माध्यमका अनुसार यी बाहेक दीपिका पादुकोण र काजोल पनि फिल्ममा देखिनेछन्। यद्यपि निर्माण उनीहरूको भूमिकाबारे कुनै आधिकारिक घोषणा गरेको छैन ।
हालै सार्वजनिक भएको ट्रेलरमा सबै स्टारकास्टको लुक्समा ठूलो परिवर्तन आएको छ। जसका कारण फ्यानमा निकै चर्चा छ । हेरौं फिल्मको स्टारकास्टको भूमिका कस्तो छ?
रणवीर कपुर
फिल्ममा रणवीर कपुर विशेष भूमिकामा देखिनेछन्। फिल्ममा रणवीरले शिवको भूमिका निर्वाह गरेका छन्। शिवमा यस्तो शक्ति छ, जसले संसारलाई दुष्ट शक्तिहरूबाट बचाउन सक्छ।
आलिया भट्ट
यस फिल्ममा आलिया पनि मुख्य भूमिकामा देखिनेछिन्। फिल्ममा आलियाले साधारण युवती ईशाको भूमिका निभाएकी छिन्। उनी फिल्ममा शिवकी प्रेमिका हुन्।
अमिताभ बच्चन
यस फिल्ममा अमिताभले प्रोफेसर अरविन्द चतुर्वेदीको भूमिका निभाएका छन्। फिल्ममा उनको चरित्र भगवान ब्रह्माबाट प्रेरित छ। ट्रेलरमा अमिताभले रणवीरलाई दुष्ट शक्तिलाई नष्ट गर्ने सन्देश दिएको देखिन्छ। उनको लुक्सलाई फ्यानहरुले निकै रूचाइरहेका छन्।
नागार्जुन
फिल्ममा साउथका सुपरस्टार नागार्जुन पनि बलियो भूमिकामा देखिनेछन्। उनको चरित्र भगवान विष्णुसँग जोडिएको छ। फिल्मको पोस्टरमा नागार्जुनले हातमा दैवी शक्ति बोकेको देखिन्छ। फिल्ममा नागार्जुनले नन्दी अस्त्रको रक्षक अनिशको भूमिका निर्वाह गर्नेछन्।
मौनी रोय
फिल्ममा मौनी रोय नकारात्मक भूमिकामा देखिनेछिन्। ट्रेलरमा मौनी खतरनाक लुकमा देखिएकी छिन्। फिल्ममा रातो आँखा भएको मौनी जुनून अर्थात् अन्धकारकी रानीको भूमिकामा देखिनेछिन्। उनको क्रुर चरित्रलाई फ्यानहरुले रूचाइरहेका छन् ।
शाहरुख खान
फिल्ममा शाहरुख खानको केमियो रोल रहेको छ। फिल्ममा शाहरुख एक वैज्ञानिकको भूमिकामा देखिनेछन् जो ‘वानराष्ट्र’ को रक्षक हुन्। करण जोहरले हालै एउटा भिडियो सेयर गरेका छन् जसमा शाहरुख आगोसँग खेलिरहेको देखिएका छन्।
हेर्नुहोस् ट्रेलर
