लिपमोटर 'बी०३ एक्स प्रो म्याक्स' प्रिमियम एसयुभी नेपाली बजारमा सार्वजनिक गरिएको छ।
नाइमा मोबिलिटी एक्स्पोलाई लक्षित गर्दै लिपमोटरको नेपालका लागि आधिकारिक बिक्रेता सांग्रिला मोटर्सले उक्त गाडी सार्वजनिक गरेको हो।
कम्पनीका अनुसार बी०३ एक्सको मूल्य ४६ लाख ९९ हजार रूपैयाँ तोकिएको छ। पहिलो १०० ग्राहकका लागि भने ४४ लाख ९९ हजार रूपैयाँमा बिक्री गर्ने घोषणा गरिएको छ।
यो गाडीमा १४५ किलोवाटको मोटर र ५३ किलोवाट आवरको ब्याट्री प्याक रहेको छ। कम्पनीले एकपटक पूर्ण चार्ज गर्दा ५०० किलोमिटरभन्दा बढी रेन्ज दिने दाबी गरेको छ।
नेपालका विविध सडक तथा भौगोलिक अवस्थालाई सहज रूपमा सामना गर्न सक्ने गरी निर्मित लिपमोटरमा शक्तिशाली १४५ किलोवाट क्षमताको इलेक्ट्रिक मोटर र ५३ किलोवाट–आवर ब्याट्री प्याक रहेको छ, जसले प्रतिचार्ज ५०५ किलोमिटरसम्मको उत्कृष्ट रेन्ज प्रदान गर्छ।
साथै, यसमा १८५ एमएमको ग्राउन्ड क्लियरेन्स रहेको छ।
यसको आधुनिक तथा प्रविधिमैत्री क्याबिनमा १४.६ इन्चको २.५पे एचडी टचस्क्रिन, १२ वटा स्पिकरयुक्त इमर्सिभ सराउन्ड साउन्ड सिस्टम र सुरक्षित ड्राइभिबका लागि 'लेभल २ एडास' जस्ता विशेषताहरू छन्।
