सानिमा बैंक लिमिटेडले गएको वर्ष १ अर्ब ६९ करोड रुपैयाँ नाफा आर्जन गरेको छ। बैंकले सार्वजनिक गरेको आर्थिक वर्ष २०७६/७७ को अन्तिम त्राइमासको वित्तीय विवरणअनुसार यो वार्षिक नाफा २०७५/७६ को भन्दा न्यून हो। बैंकले अघिल्लो वर्ष २ अर्ब २७ करोड नाफा कमाएको थियो।
चुक्ता पुँजी ८ अर्ब ८० रहेको बैंकको वितरणयोग्य नाफा भने १ अर्ब ११ करोड रुपैयाँमात्र रहेको छ। यो बैंकले गएको वर्षको नाफाबाट १२.६८ प्रतिशतसम्म लाभांस वितरण गर्नसक्छ।
बैंकको प्रतिशेयर आम्दानी १९.२२ रुपैयाँ रहेको छ। अघिल्लो वर्ष २८ रुपैयाँ थियो।
१ खर्ब ६ अर्ब निक्षेप संकलन गरी ९० अर्ब ऋण लगानी गरेको बैंकको खराब कर्जा ०.४८ प्रतिशत पुगेको छ। कर्जा निक्षेप अनुपात ७४.९६ प्रतिशत रहेको बैंकको ब्याज स्प्रेडदर भने ३.४७ प्रतिशत रहेको छ। आधार दर ८.६२ प्रतिशत छ।