बुधबार नेप्से परिसूचक ९.२४ अंकले बढेको छ।
यसदिन नेप्से ०.४७ प्रतिशतले बढेर १९६७.९७ बिन्दुमा बन्द भएको छ।
बुधबार नेप्से परिसूचक बढे पनि कारोबार रकम भने अघिल्लो दिनको तुलनामा केही घटेको छ।
गत कारोबार दिन १ अर्ब १९ करोड ९१ लाख १ हजार ३२४ रुपैयाँको सेयर कारोबार भएकोमा यस दिन उक्त रकम घटेर १ अर्ब १८ करोड ९९ लाख ३१ हजार ३८५ रुपैयाँमा सीमित भएको छ।
यस दिन २८४ वटा धितोपत्रको ४३ लाख २३ हजार २१ कित्ता सेयर किनबेच भएको हो।
बुधबार मध्य भोटेकोशी जलविद्युतको सेयर मूल्य सर्वाधिक १० प्रतिशतले बढेको छ।
उक्त कम्पनीको सेयर मूल्य ३०३ रुपैयाँ ६० पैसा पुगेको छ।
यस्तै, बुद्धभूमी नेपाल हाइड्रापावरेको सेयरमूल्य ९.९८ प्रतिशतले बढेर ३७० रुपैयाँ ३० पैसा पुगेको छ।
सेयर मूल्य सर्वाधिक घट्नेमा समता घरेलु लघुवित्त रहेको छ। उक्त कम्पनीको सेयर मूल्य ६.६१ प्रतिशतले घटेर प्रतिकित्ता मूल्य ६५० रुपैयाँमा झरेको छ।
यस्तै, हिमालयन लघुवित्तको सेयर मूल्य ४.५५ प्रतिशतले घटेर प्रति कित्ता मूल्य ७०० रुपैयाँ ६० पैसामा सीमित भएको छ।
बुधबार सिटिजन लाइफ इन्स्योरेन्सको सर्वाधिक कारोबार भएको छ।
उक्त कम्पनीको प्रतिकित्ता ४४७ रुपैयाँ ७० मा ६ करोड ९३ लाख बराबरको सेयर कारोबार भएको हो।
यो मूल्य अघिल्लो दिनको तुलनामा ०.३८ प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा रिलायबल नेपाल लाइफ इन्स्योरेन्स रहेको छ। उक्त कम्पनीको प्रतिकित्ता ४६३ रुपैयाँमा ४ करोड ३० लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये बैंकिङ समूहको परिसूचक घटेको छ भने बाँकी सबै समूहको परिसूचक बढ्दा समग्र नेप्से बढेको हो।
यसदिन होटल्स तथा पर्यटन समूहको परिसूचक सर्वाधिक १.५२ प्रतिशतले बढेको हो।
