सोमबार नेप्से परिसूचक १२.५८ अंकले घटेको छ।
गत बिहीबारदेखि घट्ने क्रममा रहेको सेयर बजारले आज तेस्रो दिन पनि निरन्तरता पाएको हो।
यसदिन नेप्से ०.६५ प्रतिशतले घटेर १९०८.६६ बिन्दुमा बन्द भएको छ।
सोमबार नेप्से परिसूचकसँगै कारोबार रकम पनि अघिल्लो दिनको तुलनामा घटेको छ।
गत कारोबार दिन १ अर्ब ८० करोड १७ लाख ६६ हजार २९४ रुपैयाँको सेयर कारोबार भएकोमा यस दिन उक्त रकम घटेर १ अर्ब १७ करोड १ लाख ७२ हजार ७२२ रुपैयाँमा सीमित भएको छ।
यस दिन २८७ वटा धितोपत्रको ४३ लाख २७ हजार १७९ कित्ता सेयर किनबेच भएको हो।
सोमबार सयपत्री हाइड्रोपावरको सेयर मूल्य सर्वाधिक ६.८८ प्रतिशतले बढेको छ।
उक्त कम्पनीको सेयर मूल्य ५१३ रुपैयाँ पैसा पुगेको छ।
यस्तै, थ्री स्टार हाइड्रोपावरको सेयर मूल्य ४.४६ प्रतिशतले बढेर प्रति कित्ता मूल्य ३७५ रुपैयाँ पुगेको छ।
सेयर मूल्य सर्वाधिक घट्नेमा बाराही हाइड्रोपावर रहेको छ। उक्त कम्पनीको सेयर मूल्य १० प्रतिशतले घटेर प्रतिकित्ता मूल्य ४९५ रुपैयाँ ९० पैसामा झरेको छ।
यस्तै, हिमालयन लघुवित्तको सेयरमूल्य ९.९९ प्रतिशतले घटेर प्रति कित्ता मूल्य ६१२ रुपैयाँ ४० पैसामा सीमित भएको छ।
सोमबार नबिल बैंकको सर्वाधिक कारोबार भएको छ।
उक्त कम्पनीको प्रतिकित्ता ५७१ रुपैयाँ ८० पैसामा ३ करोड ५१ लाख बराबरको सेयर कारोबार भएको हो।
यो मूल्य अघिल्लो दिनको तुलनामा ०.५६ प्रतिशत घटेको हो।
सर्वाधिक सेयर खरिद–बिक्री हुने दोस्रो कम्पनीमा रिलायबल नेपाल लाइफ इन्स्योरेन्स रहेको छ। उक्त कम्पनीको प्रतिकित्ता ४४१ रुपैयाँ ८० पैसामा ३ करोड ३६ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये उत्पादन तथा प्रशोधन र व्यापार समूहको परिसूचक ०.०६ र ०.४९ प्रतिशतले बढेको छ भने बाँकी सबै समूहको परिसूचक घट्दा समग्र नेप्से घटेको हो।
यसदिन जीवन बीमा समूहको परिसूचक सर्वाधिक १ प्रतिशतले घटेको हो।
-1746009348.jpg)
