लक्ष्मी सनराइज बैंकले असहाय बालबालिकाको संरक्षणमा कार्यरत देशभरीका विभिन्न संस्थाहरूसँग सहकार्य गरी ४०० भन्दा बढी बालबालिकाहरूलाई विविध सामग्री तथा खाद्यान्न सहयोग गरेको छ।
यसै क्रममा बैंकले नेपाल बाल संगठन अन्तर्गत पाँचखाल, दोलखा र भिमफेदीमा रहेका बालबालिकालाई दसैंमा नयाँ लुगा प्रदान गर्नुका साथै नक्सालस्थित बाल मन्दिरलाई पनि आवश्यक खाद्यान्न सामग्री हस्तान्तरण गरेको छ।
यसैगरी बैंकले कोशी प्रदेशको उर्लाबारीमा नमूना बाल गृह र इटहरीमा ‘हेल्पलेस चिल्ड्रेन वेलफेयर मिसन’ मधेस प्रदेशको गरुडामा बन्सिलाल जैसवाल अनाथालय, बागमती प्रदेशको हेटौंडामा मामाघर नेपाल, गण्डकीको प्रदेशको पोखरामा रहेको रेनबो चिल्ड्रेन होम नेपाललाई खाद्यान्न सामग्रीहरू हस्तान्तरण गरेको छ।
यस्तै, लुम्बिनी प्रदेशको कोरीहवाको अविनास आश्रम, कर्णाली प्रदेशको वीरेन्द्रनगरमा रहेको न्यू लाइफ चिल्ड्रेन्स हेवनलगायत सुदूरपश्चिमको धनगढीमा रहेको आमाको माया छात्रबासका बालबालिकाको लागि विभिन्न खाद्यान्न सामग्रीहरू हस्तान्तरण गरेको छ।
-1746009348.jpg)
