कात्तिकको लागि ब्याजदर सार्वजनिक गरेका २० वाणिज्य बैंकमध्ये दुई वटाले बाहेक सबैले मुद्दती निक्षेपको माथिल्लो सीमा घटाएका छन्।
बैंकहरूमा तरलता रहे पनि कर्जाको माग घटेपछि बैंकहरूले निक्षेपको ब्याजदर घटाएका हुन्। केही बैंकले अघिल्लो पटकको भन्दा मुद्दती निक्षेपको ब्याजदर बढाएका भएपनि अघिल्लो पटक यो खातामा दिइएको अधिकतम ब्याजदरको तुलनामा भने घटेको छ।
बैंकहरूले कात्तिकमा राखिने मुद्दती निक्षेपमा अधिकतम ११.००३ प्रतिशतसम्म ब्याजदर दिने भएका छन्। असोजमा बैंकहरूले मुद्दती निक्षेपमा अधिकतम ११.०५ प्रतिशत ब्याजदर दिएका थिए।
एनएमबी बैंक र नेपाल एसबिआई बैंकले मुद्दती निक्षेपको माथिल्लो ब्याजदर सीमा बढाएका छन्। एनएमबी बैंकले मुद्दती निक्षेपको दुवै सीमा बढाएको छ। यसअघि मुद्दतीमा ८ देखि ९.९९ प्रतिशतसम्म दिइरहेको एनएमबीले ९.३३ देखि ११.००३ प्रतिशतसम्म दिएको छ।
नेपाल एसबिआई बैंकले यसअघि मुद्दतीमा ७.२० देखि १० प्रतिशतसम्म दिइरहेकोमा ७.६० देखि १०.७० प्रतिशतसम्म दिएको छ।
यससँगै अब वाणिज्य बैंकहरूमा मुद्दती निक्षेपमा रकम राख्दा न्यूनतम ५.५० प्रतिशतदेखि अधिकतम ११.००३ प्रतिशतसम्म ब्याजदर पाइने भएको छ।
रेमिटेन्स मुद्दती खातामा भने योभन्दा बढी ब्याजदर पाइन्छ।
अधिकतम ११.००३ प्रतिशतसम्म ब्याजदर दिनेमा मात्रै तीन बैंक छन्। हिमालयन बैंक, एनएमबी बैंक र एनआइसी एशिया बैंकले मुद्दती निक्षेपमा यस्तो ब्याजदर दिएका हुन्।
स्ट्याण्डर्ड चार्टर्ड बैंकले मुद्दती निक्षेपमा ५.५० देखि ९.२२ प्रतिशतसम्म दिएको छ।
| बैंक | मुद्दती |
| कात्तिक | असोज |
| एनएमबी | ९.३३ देखि ११.००३ | ८ देखि९.९९ |
| प्राइम | १०.२५ | ११.०५ |
| कुमारी | ९.५१ देखि १०.०१ | ९.५१ देखि १०.११ |
| नेपाल एसबीआइ | ७.६० देखि१०.७० | ७.२० देखि१० |
| हिमालयन | ११.००३ | ११.०५ |
| प्रभु | ७.२२४ देखि ९.२२४ | १० |
| सिद्धार्थ | ८.४४ देखि ९.९९ | ८ देखि ९.९९ |
| माछापुच्छ्रे | ९ देखि९.९९ | ७ देखि९.९९ |
| राष्ट्रिय वाणिज्य | ९.५ | ९.५ |
| स्ट्याण्डर्ड चार्टर्ड | ५.५० देखि ९.२२ | ७.७९ देखि ९.२९ |
| एनआइसी एशिया | ११. | ११.०५ |
| लक्ष्मी सनराइज | १० | १० |
| नेपाल बैंक | ९.२२ | ९.२९ |
| कृषि विकास | ९.२६ देखि ९.७६ | ९.५१ देखि १०.०११९ |
| सिटिजन्स | ९.९५ | १०.०५ |
| ग्लोबल आइएमई | १०. | १०.५ |
| एभरेष्ट | ९.२२ | ११.०५ |
| नबिल | ९.५ देखि १० | १०.०५४ देखि ११.०५४ |
| नेपाल इन्भेष्टमेन्ट मेगा | ९ देखि १०.०१ | १० देखि ११.०३ |
| सानिमा | ९.२२४ | ९.५० देखि ९.९५ |
त्यस्तै, ४ वटा वाणिज्य बैंकले साधारण बचतको ब्याजदर समेत बढाएका छन्। कृषि विकास, लक्ष्मी सनराइज, एनआइसी एशिया र एनएमबी बैंकले ब्याजदर बढाएका हुन्।
कात्तिकमा वाणिज्य बैंकहरूले साधारण बचतमा ४.२२ प्रतिशतदेखि ८.००३ प्रतिशतसम्म ब्याजदर दिने भएका छन्। असोजमा वाणिज्य बैंकहरूले साधारण बचतमा न्यूनतम ४.९५ प्रतिशतदेखि ८.३५ प्रतिशतसम्म ब्याजदर दिएका थिए।
एनआइसी एशिया र एनएमबी बैंक दुवैले साधारण बचतमा ६.००३ देखि ८.००३ प्रतिशतसम्म ब्याजदर दिने भएका हुन्। लक्ष्मी सनराइज र कृषि विकास बैंकले भने साधारण बचतको माथिल्लो सीमा बढाएका हुन्।
त्यस्तै, वाणिज्य बैंकहरूले कर्जामा भने आधार दरको एक प्रतिशतदेखि अधिकतम ५ प्रतिशतसम्म ब्याजदर लिने भएका छन्। बैंकहरूको आधार दर भने महिना सुरू भएको एक सातापछि मात्रै सार्वजनिक हुने व्यवस्था छ।
| बैंक | साधारण बचत |
| कात्तिक | असोज |
| एनएमबी | ६.००३ देखि ८.००३ | ५ देखि ७ |
| प्राइम | ५.४६ देखि ७.४६ | ६.३५८ देखि ८.३५८ |
| कुमारी | ५.५१० देखि ६.५१० | ६.०५४ देखि ७.९६६ |
| नेपाल एसबीआइ | ५.५१ | ५.५१ |
| हिमालयन | ६.०५ देखि ८.००३ | ६.०५ देखि ८.०५ |
| प्रभु | ४.२२४ देखि ७.२२४ | ५ देखि ८ |
| सिद्धार्थ | ५ देखि ७ | ५ देखि ७ |
| माछापुच्छ्रे | ५ देखि ७.४१ | ५ देखि८ |
| राष्ट्रिय वाणिज्य | ४.९५ देखि ६.५० | ४.९५ देखि ६.५० |
| स्ट्याण्डर्ड चार्टर्ड | ४.२५ देखि ५.३० | ४.९५ देखि ६.५५ |
| एनआइसी एशिया | ६.००३ देखि ८.००३ | ५.९६ देखि ७.९६ |
| लक्ष्मी सनराइज | ५.४० देखि ७.४० | ५.४० देखि ६.४० |
| नेपाल बैंक | ४.७२४ देखि ६.२२४ | ४.९५३ देखि ६.९५३ |
| कृषि विकास | ५.२५ देखि ७.२५ | ५.५१९ देखि ७.११ |
| सिटिजन्स | ४.९५ देखि ६.९५ | ५.०५ देखि ७.०५ |
| ग्लोबल आइएमई | ५ देखि ७ | ५.५० देखि ७.५० |
| एभरेष्ट | ४.२२४ देखि ५ | ६.०५४ देखि ६.७५ |
| नबिल | ५ देखि ७ | ६.०५४ देखि ८.०५४ |
| नेपाल इन्भेष्टमेन्ट मेगा | ६.५० देखि ७.५० | ६.०३ देखि ८.०३ |
| सानिमा | ४.२२४ देखि ६.२२४ | ४.९५३ देखि ६.९५३ |
