मंगलबार नेप्से परिसूचक ११.२२ अंकले बढेको छ।
यसदिन नेप्से परिसूचक ०.६० प्रतिशतले बढेर १८५८.७६ बिन्दुमा बन्द भएको छ।
मंगलबार नेप्से परिसूचकसँगै कारोबार रकम पनि अघिल्लो दिनको तुलनामा बढेको छ।
गत कारोबार दिन ९६ करोड ४४ लाख ७७ हजार ७११ रुपैयाँको सेयर कारोबार भएकोमा यस दिन उक्त रकम बढेर ९९ करोड ६५ लाख ८६ हजार २९१ रुपैयाँ पुगेको छ।
यस दिन २८५ वटा धितोपत्रको ४३ लाख ३१ हजार २२९ कित्ता सेयर किनबेच भएको हो।
मंगलबार लक्ष्मी लघुवित्तको सेयर मूल्य सर्वाधिक ८.१६ प्रतिशतले बढेर प्रति कित्ता मूल्य ६८९ रुपैयाँ पुगेको छ।
यस्तै, सोनापुर मिनरल्सको सेयरमूल्य ५.२८ प्रतिशतले बढेको छ। उक्त कम्पनीको सेयरमूल्य २५७ रुपैयाँ कायम भएको छ।
सेयर मूल्य सर्वाधिक घट्नेमा स्वावलम्बन लघुवित्त रहेको छ। उक्त कम्पनीको सेयर मूल्य ८.२६ प्रतिशतले घटेर प्रतिकित्ता मूल्य ९५५ रुपैयाँमा झरेको छ।
यस्तै, सिद्धार्थ प्रिमियर इन्स्योरेन्सको सेयर मूल्य ५.९९ प्रतिशतले घटेर प्रति कित्ता मूल्य ७०७ रुपैयाँ ९० पैसामा सीमित भएको छ।
मंगलबार हिमालयन बैंकको संस्थापक सेयरको सर्वाधिक कारोबार भएको छ।
उक्त कम्पनीको प्रतिकित्ता ३०० रुपैयाँमा ९ करोड १६ लाख बराबरको सेयर कारोबार भएको हो।
सर्वाधिक सेयर खरिद–बिक्री हुने दोस्रो कम्पनीमा माछापुच्छ्रे बैंक रहेको छ। उक्त कम्पनीको प्रतिकित्ता २०० रुपैयाँमा ६ करोड ३८ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये निर्जीवन बीमा समूहको परिसूचक ०.१८ प्रतिशतले घटेको छ भने बाँकी सबै समूहको परिसूचक बढ्दा समग्र नेप्से बढेको हो।
यसदिन लगानी समूहको परिसूचक सर्वाधिक १.५१ प्रतिशतले बढेको छ।
-1746009348.jpg)
