नयाँ स्टक एक्सचेन्ज ल्याउन धितोपत्र बोर्डको नेतृत्व र विभिन्न व्यापारिक स्वार्थ समूहबीच आर्थिक मिलेमतो रहेको समाचार निरन्तर आइरहेकोले यसको छानविन गर्न नेप्से कर्मचारी संघले माग गरेको छ।
संघका अध्यक्ष नवराज थापा र सचिव पुजन ज्ञवालीले संयुक्त रुपमा जारी गरेको विज्ञप्तिमा सत्यतथ्यको छानविन गरेर दोषीलाई कानुनी दायरामा ल्याउन समेत माग गरेको छ।
मिलेमतोका यस्ता खबरको कारण धितोपत्रको दोस्रो बजार कारोबारमा समेत नकारात्मक प्रभाव परेको विज्ञप्तिमा उल्लेख गरेको छ।
