ग्लोबल आइएमई बैंकले एकैसाथ चार वटा नयाँ शाखा कार्यालयहरू सञ्चालनमा ल्याएको छ।
बैंकले काठमाडौंको बुढानिलकण्ठ नगरपालिका–५, बुढानिलकण्ठ, काठमाडौंकै चन्द्रागिरी नगरपालिका–१३, दहचोक, चितवनको भरतपुर महानगरपालिका–८, शरदपुरमा र तनहुँको आबुँखैरेनी गाउँपालिका–३, आबुँखैरेनीमा नयाँ शाखा सञ्चालनमा ल्याएको हो।
नयाँ शाखाहरूबाट आइतबारदेखि नै सम्पूर्ण बैंकिङ सेवाहरू उपलब्ध भएको बैंकले बताएको छ।
बैंकले ३५५ शाखा, ३७६ एटिएम, २७४ शाखा रहित बैंकिङ सेवा, ६५ एक्सटेन्सन तथा राजस्व संकलन काउन्टर तथा ३ वटा वैदेशिक प्रतिनिधि कार्यालयसमेत गरी १ हजार १०० भन्दा बढी सेवा केन्द्रबाट ४६ लाखभन्दा बढी ग्राहकहरूमाझ बैंकिङ सेवा प्रदान गरिरहेको छ।
-1746009348.jpg)
