कुमारी बैंकको सहायक कम्पनी केबिएल सेक्युरिटिज लिमिटेड (सेयर ब्रोकर नं ९४) ले सोमबारदेखि औपचारिक रूपमा धितोपत्र कारोबार सुरू गरेको छ।
कुमारी बैंक सञ्चालक समितिका अध्यक्ष अमिर प्रताप ज.ब.राणाले यस कम्पनीको कारोबार उद्घाटन गरेका हुन्।
उक्त कार्यक्रममा केबिएल सेक्युरिटिज तथा कुमारी बैकका सञ्चालक समितिका पदाधिकारी, प्रमुख कार्यकारी अधिकृत, उच्च व्यवस्थापनका कर्मचारी तथा लगानीकर्ताहरूको उपस्थिति रहेको थियो।
कारोबार सुरू गरेसँगै सेयर बजारका लगानीकर्तालाई उत्कृष्ट र सर्वसुलभ सेवा प्रदान गर्न केबिएल सेक्युरिटिज सदैव प्रयासरत रहने कम्पनीका प्रमुख कार्यकारी अधिकृत विनय रेग्मीले बताए।
केबिएल सेक्युरिटिज कुमारी बैंकको पूर्ण स्वामित्व रहेको नेपाल धितोपत्र बोर्डबाट मान्यता प्राप्त सीमित कारोबार गर्ने धितोपत्र दलाल व्यवसायी हो।
