भिसाले आयोजना गरेको भिसा लिडरसीप कनक्लेभ नेपाल २०२३ मा हिमालयन बैंक सम्मानित भएको छ।
विश्व प्रख्यात ब्राण्ड अमेरिकन एक्स्प्रेस, जेसिबी मास्टरकार्ड, युनियन पे तथा भिसाका कार्डहरू हिमालयन बैंकले स्वीकार गर्दै आएको छ।
सोही कारण बैंकले 'एक्सिलेन्स इन पोस अक्वायरिङ बिजनेस २०२३' र 'एक्सिलेन्स इन कन्जुमभर कार्ड–प्रिपेड २०२३' को पुरस्कार प्राप्त गरेको हो।
भिसाद्वारा आयोजित एक समारोहमा डेपुटी गभर्नर बमबहादुर मिश्र, नेपालका लागि भिसाका प्रतिनिधि बासु सौम्य, लगायत अतिथिको उपस्थितिमा बैंकलाई दुबै अवार्ड प्रदान गरी सम्मान गरिएको हो।
बैंकले विगतका वर्षहरूदेखि नै यो विधामा उक्त अवार्ड प्राप्त गर्दै आइरहेको बताएको छ।
बैंकले डिसकभर तथा रुपे ब्राण्डका कार्डहरू पनि आफ्नो नेटवर्कमा स्वीकार गर्न सुरू गरेको छ।
