सार्वजनिक लेखा समितिमा सदस्य योगेश भट्टराईले धितोपत्र बोर्डका अध्यक्ष रमेश हमाललाई सरकारी नियुक्तिको लागि अयोग्य बनाउनु पर्ने बताएका छन्।
बिहीबार लेखा समितिले बोलाएको छलफलमा उनी नआएको भन्दै भट्टराईले यस्तो बताएका छन्।
'बोर्ड अध्यक्ष नियतवस समितिको बैठकमा आएनन्, यस्तो अवहेलना गर्ने व्यक्तिलाई अन्य सरकारी नियुक्तिको लागि अयोग्य नै बनाउनुपर्छ,' भट्टराईले भने।
समितिले बिहीबार बीमा कम्पनीको प्रिमियममा सेयर जारी गर्ने व्यवस्थाको सम्बन्धमा छलफल गर्न बैठक बोलाएको थियो।
छलफलका क्रममा भट्टराईले धितोपत्र दर्ता तथा निष्कासन नियमावली संशोधन हाललाई खारेज गर्नुपर्ने बताए। उनले पुरानो नियमावलीलाई यथावत् राखेर अध्ययन गर्नुपर्ने तर्क गरेका छन्।
