ओम मेगाश्री फर्मास्युटिकल्सको आइपिओमा आवेदन दिने आज (आइतबार) अन्तिम दिन हो।
कम्पनीको आइपिओमा अन्तिम दिनसम्म दुई अर्ब ३६ करोड ५९ लाख १२ हजार रूपैयाँ बराबरको दुई करोड ३६ लाख ५९ हजार १२० कित्ताको लागि आवेदन परेको छ।
सिडिएस एण्ड क्लियरिङका अनुसार आइतबार साँझ ५ बजेसम्म १९ लाख ८५ हजार ६६३ जनाले आवेदन दिएका छन्।
यो आवेदन मागभन्दा १६.०२ गुणा बढी हो।
कम्पनीले आफ्नो जारी पुँजी ६० करोड रूपैयाँको ३० प्रतिशत अर्थात् १८ करोड रूपैयाँ बराबरको १८ लाख कित्ता आइपिओ निष्कासन गर्ने अनुमति पाएको थियो।
सोमध्ये १० प्रतिशत १ करोड ८० लाख रूपैयाँ बराबरको १ लाख ८० हजार कित्ता सेयर नेपाल सरकारको सम्बन्धित निकायको श्रम स्वीकृति लिई वैदेशिक रोजगारीमा रहेका नेपालीहरूका लागि निष्कासन गरी बाँडफाँट गरिसकेको छ।
त्यस्तै, कम्पनीले ५४ हजार कित्ता कम्पनीका कर्मचारी र ९० हजार कित्ता सामूहिक लगानी कोषहरूलाई बाँडफाँट गरिसकेको छ।
दोस्रो चरणमा कम्पनीले सर्वसाधारणका लागि १४ लाख ७६ हजार कित्ता आइपिओ निष्कासन गरेको हो।
कम्पनीलाई केयर रेटिङ नेपालले केयरएनपी डबल बी माइनस इस्यूअर रेटिङ प्रदान गरेको छ। यसले कम्पनीको दायित्व बहन गर्ने क्षमतामा मध्यम रहेको जनाउँछ।
-1746009348.jpg)
