अमेरिकी डलरको तुलनामा दक्षिण कोरियाली मुद्रा वन पछिल्लो समय बलियो बन्दै गएको छ।
बुधबार दक्षिण कोरियाली वन प्रतिडलर १,३३६.१ वनमा पुगेको छ।
२०२४ अक्टोबर ४ यता वन बलियो भएको हो।
यसअघि १ डलर किन्न १,४०० वन लाग्नेमा १,३४० वन लाग्ने भएको छ।
स्थानीय निर्यातकर्ताले डलर बिक्री बढाएपछि वनमा सुधार आएको विश्लेषण गरिएको छ।
विशेषगरी अर्धचालक उत्पादन गर्ने ठूला कम्पनीबाट डलर बिक्री बढेको बताइएको छ।
पछिल्ला दिनमा अमेरिकी डलर केही कमजोर हुनु र दक्षिण कोरियाली कम्पनीहरूको निर्यातबाट भित्रिएको डलर घरेलु बजारमा बिक्री हुनु वन बलियो हुनुका प्रमुख कारण देखिएका छन्।
अगस्टदेखि नै वनले डलरको तुलनामा क्रमशः सुधार गर्दै आएको छ।
तर, अन्तर्राष्ट्रिय बजारमा कच्चा तेलको मूल्य बढ्नु र अमेरिकी सरकारी ऋणपत्रको प्रतिफल उच्च रहनुले वनमाथि दबाब कायमै राखेको छ।
बिहीबार डलर–वन विनिमय दर फेरि १,३४० वन आसपास पुगेको देखिएको छ।
यसरी हेर्दा पछिल्लो सुधारका कारण वन बलियो बने पनि तेलको मूल्य, अमेरिकी ब्याजदर तथा विश्व बजारको जोखिमले आगामी दिनमा यसको विनिमय दरमा उतारचढाव कायम रहन सक्ने देखिन्छ।
हाल एक सय वनको विनिमय दर ११ रूपैयाँ ३४ पैसा छ।
यसअघि गत पुसमा एक सय वनको विनिमय दर ९ रूपैयाँ ९५ पैसा थियो। विनिमयदर करिब १४ प्रतिशतले बढेको हो।
दक्षिण कोरियाबाट रेमिटेन्स पठाउनेलाई यसले फाइदा पुग्ने देखिएको हो।
गत आर्थिक वर्ष २०८२-८३ मा नेपालबाट दक्षिण कोरिया जान करिब आठ हजारले नयाँ तथा पुन: श्रम स्वीकृति पाएका थिए।
-1746009348.jpg)
