नेपाली ई–कमर्स बजारमा ‘मेरो ब्राण्ड डट कम’ले आफ्नो कारोबार सुरु गरेको छ।
अनलाईन सपिङको बजारमा उपभोक्तालाई नयाँ अनुभव प्रदान गर्ने उदेश्यले मेरो ब्रान्ड डटकमले आफ्नो उपस्थिती जनाएको कम्पनीको दावी छ।
निकै लामो गृहकार्यपछि मेरो ब्रान्ड डट कम बजारमा उपस्थिती जनाएको कम्पनीको सिईओ राजकुमार विष्टले बताए।
बजारमा उपभोक्ताहरुले आफूले खोजेको ब्राण्ड न्युनतम मुल्यमा उपलब्ध गराउने कम्पनीको योजना छ। काठमाण्डौ उपत्यका भित्र १ दिनमै सामानडेलिभरी गराउने कम्पनीले जनाएको छ।
‘अनलाईन सपिङ गर्दा उपभोक्ताले सोचेकै गुणस्तरीय सामाग्री उपलब्ध गराउने र त्यसबाट अनलाइन सपिङ प्रति आम उपभोक्ताको विश्वसनियता बढाउने हाम्रो मुख्य उदेश्य हो,’ विष्टले भने।
उपभोक्ताले मेरो ब्रान्ड डट कममा लग इन गरी आफूले चाहेको बस्तु खरिद गर्न सक्नेछन्।
उपभोक्ताले बस्तु किन्दा क्यास अन डेलीभरी अनलाईन ट्रान्सफर वा भिसा कार्डबाट पनि रकम तिर्न सकिने सहज ब्यबस्था गरिएको उनले बताए।
यस अनलाइन प्ल्याटफर्ममा विभिन्न ब्रान्ड तथा भेराइटिका गुणस्तरीय सामग्रीहरु सुपथ मूल्यमा उपलब्ध गराइएको कम्पनीको बिष्टको दावी छ।
याहाँबाट सामान खरिद गर्दा सामग्रीहरुमा विभिन्न छुट तथा अफरको सुविधाहरु दिइने कम्पनीले जनाएको छ।
मगाएको सामान आफूले भने बमोजिम नभएमा ७ दिन भित्र फिर्ता गर्न सकिने रिटर्न पोलिसी समेत उपलब्ध गराइएको उनले जानकारी दिए।
प्रकाशित मिति: आईतबार, कात्तिक २, २०७७, ११:११:४४
.JPG)
