हाम्रो पात्रोले हिमालयन जाभासँगको सहकार्यमा क्यासब्याक अफर सार्वजनिक गरेको छ।
कम्पनीले हिमालयन जाभाका विभिन्न १० ओटा शाखामा हाम्रो पेमार्फत् भुक्तानी गर्दा २०० रूपैयाँसम्मको क्यासब्याक दिने भएको हो।
हाम्रो पेका अनुसार यस्तो क्यासब्याक अफर १० प्रतिशत रहेको छ जुन बढीमा २०० रूपैयाँसम्म हुनेछ।
केही सातासम्म लागू हुने गरी ल्याइएको यो अफर प्राप्त गर्न हाम्रो पे वालेटमा केवाइसी भेरिफाइड भएको हुनुपर्नेछ।
हिमालयन जाभाका ठमेल, मण्डला, सिभिल मल, मार्कोपोलो, सुनाकोठी, बिएण्डबी, कुलेश्वर र नक्सालका आउटलेटमा यो अफरको फाइदा लिन सकिने बताइएको छ।
भाटभटेनीमा समेत अहिले हाम्रो पेको स्पिन एन्ड विन अफर चलिरहेको छ, जस अन्तर्गत प्रयोगकर्ताहरूले प्रत्यक भुक्तानीमा १०० रूपैयाँसम्मको क्यासब्याक प्राप्त गर्न सक्नेछन्।
हाम्रो पे डिजिटल वालेटका लागि छुट्टै एप डाउनलोड गरिरहनु पर्दैन। हाम्रो पात्रो एपभित्रै उक्त डिजिटल वालेटको सुविधा प्राप्त गर्न सकिन्छ।
