नेपालको भुक्तानी सेवा प्रदायक कम्पनी इसेवाले कलाकार सुमन कार्कीसँग ब्रान्ड इन्डोर्सरको रूपमा सम्झौता हस्ताक्षर गरेको छ।
मंगलबार इसेवाका चिफ बिजनेस अफिसर आशिष गौतम र कलाकार सुमन कार्कीबीच पुल्चोकस्थित इसेवाको मुख्य कार्यालयमा एक औपचारिक कार्यक्रममार्फत् सम्झौतामा हस्ताक्षर भएको हो।
यस साझेदारीको बारेमा बोल्दै इसेवाका चिफ बिजनेस अफिसर आशिष गौतमले इसेवाको आगामी दिनहरूमा हुने प्रचारप्रसारको क्रममा कार्कीको महत्त्वपूर्ण भूमिका हुने जनाए।
रियालिटी शो कमेडी च्याप्पियनबाट हास्य कलाक्षेत्रमा प्रवेश गरेका कार्की नेपाली हास्य व्यंग क्षेत्रमा छोटो समयमै असाधारण लोकप्रियता पाउने कलाकारको रूपमा आफूलाई स्थापित गर्न सफल भएका छन्।
आउने दिनमा इसेवाले गर्ने विभिन्न कार्यक्रम तथा योजनाहरूमा उनको कलाकारिता मार्फत् ग्राहकहरूलाई मनोरञ्जनात्मक शैलीद्वारा प्रचारप्रसारमा मद्दत पुग्ने विश्वासको साथ यो सम्झौता गरिएको पनि गौतमले बताए।
इसेवा र कार्की बीचको यस साझेदारीले ब्रान्डको प्रचारप्रसारसँगै दर्शक र ग्राहकहरूले रमाइलो शैलीको प्रस्तुत सामग्रीहरू पनि देख्न पाउने बताइएको छ।
