नेपाल आयल निगमको कार्यकारी निर्देशक नियुक्ति प्रक्रिया अन्तिम चरणमा पुगेको छ।
उद्योग, वाणिज्य तथा आपूर्ति मन्त्रालयले व्यावसायिक कार्ययोजना प्रस्तुतीकरण र अन्तर्वार्ताका लागि ६ जना उम्मेदवारको नाम र समय तालिका सार्वजनिक गरेको हो।
मन्त्रालयका अनुसार साउन १७ गते आइतबार मन्त्रालयको सानो सभाहलमा प्रस्तुतीकरण र अन्तर्वार्ता हुनेछ।
प्रत्येक उम्मेदवारलाई व्यावसायिक कार्ययोजना प्रस्तुत गर्न २० मिनेट समय दिइनेछ।
अन्तर्वार्ताका लागि छवि राज पोखरेल, कोशल केसी., संजिव कुमार देव, सिए नागेन्द्र साह, सरोजकुमार शर्मा र विपेन्द्रकुमार देव छनोट भएका छन्।
अन्तर्वार्ता बिहान ९ बजेदेखि सुरू हुनेछ।
पहिलो उम्मेदवार बिहान ९ बजे, दोस्रो १० बजे, तेस्रो ११ बजे, चौथो दिउँसो १ बजे, पाँचौं २ बजे र छैटौं ३ बजे उपस्थित हुने तालिका छ।
मन्त्रालयले उम्मेदवारलाई तोकिएको समयभन्दा आधा घण्टा अगाडि नागरिकता, शैक्षिक योग्यता र अनुभवका सक्कल कागजातसहित उपस्थित हुन आग्रह गरेको छ।
तोकिएको मिति र समयमा उपस्थित नभए प्रतिस्पर्धामा समावेश नगरिने पनि मन्त्रालयले जनाएको छ।
