दक्षिण कोरियाली ब्राण्ड सामसङले सामसङ ग्यालेक्सी एस–२५एज भारतीय बजारमा सार्वजनिक गर्ने भएको हो।
भारतीय सञ्चार माध्यमका अनुसार कम्पनीले उक्त फोन आगामी साता सार्वजनिक गर्ने अनुमान गरिएको छ।
यो कम्पनीको फ्ल्यागसिप फोन अन्तर्गत पर्दछ। यो फोनको डिजाइन अहिलेसम्मकै पातलो छ।
फोनको डिस्प्ले ६.७ इञ्च छ। यो फोनले 'आइफोन–१७ एयर'लाई टक्कर दिने उल्लेख गरिएको छ।
फोनमा डुअल रियर क्यामरा डिजाइन गरिएको छ।
जसमा दुई सय मेगापिक्सल क्यामराको मुख्य क्यामरा, १२ मेगापिक्सलको अल्ट्रावाइड क्यामरा छ। सेल्फीको लागि १२ मेगापिक्सल क्यामरा छ।
त्यस्तै, ग्राहकले फोनमा ३९०० एमएएच ब्याट्रीका साथै २५ वाटको फास्ट चार्जिङ सुविधा पाउनेछन्।
