भारतले नेपालका दुई जलविद्युत आयोजनाबाट उत्पादन भएको ८० मेगावाट बिजुली निर्यातका लागि सहमति दिएको छ।
मध्यम अवधिको दुई पक्षीय सम्झौता अनुसार २१ अगस्ट २०२५ देखि ३१ अक्टोबर २०२६ सम्म निर्यात सहमति दिएको नेपाल विद्युत प्राधिकरणले जनाएको छ।
४८.५ मेगावाटको करूवा सेती हाइड्रोपावर र ३१.०४ मेगावाटको करूवा सेती हाइड्रोपावरको बिजुली पठाउन भारतले सहमति दिएको हो।
यो अहिलेसम्म भएको छोटो अवधिको सम्झौता हो। नेपाल–भारतबीच मध्यकालीन (पाँच वर्ष) निरन्तर विद्युत निर्यातको सम्झौता हुँदै आएको थियो।
पछिल्लो सहमति अनुसार भारतले यो वर्ष र आगामी वर्षको वर्खा समयमा मात्रै बिजुली लैजानेछ।
यही वर्षको साउनमा २०० मेगावाट बिजुली निर्यातका लागि भारतले दिएको सहमति पनि चार वर्ष अवधिका लागि मात्रै थियो।
यसअघि नेपालले भारतमा कुल १०१०.९ मेगावाट बिजुली निर्यातको अनुमति पाएको थियो। थप ८० मेगावाट गरी अब नेपालले कुल १०९०.९ मेगावाट बिजुली भारत निर्यात गर्ने छ।
बंगलादेशमा पनि ४० मेगावाट बिजुली निर्यात गर्दै आएको छ। बंगलादेशमा समेत गरी नेपालले कुल ११३०.९ मेगावाट बिजुली निर्यात गर्ने भएको हो।
-1746009348.jpg)
