प्रकृतिको रम्य वृक्ष मायाले सजिएको
हुस्सुको स्पर्श बोकेर प्रेममा रङिएको
कुहिरो लजाउँछ कोमल बादलको काखमा
सिमसिमे झरी बन्छ इन्द्रेणी रागमा
इन्द्रेणी फुल्दा मन प्रेममा हराउँछ
प्रकृतिको मायाले हृदय गीत गाउँछ
हुरीको मायालु झोँका फूलको मुस्कान
प्रकृतिको प्रेम सधैँ अमर छ अनजान।
मुसलधारे झरी झर्छ प्रेमको सन्देशमा
नदी उर्लन्छ रमाउँदै मायाको परिवेशमा
खोला, खहरे, खोल्सी, प्रेमिल बोल्छन्
पहिरो र भेल मायामा सधैँ डुब्छन्।
प्रकृतिको यो रंग प्रेमको वरदान
हृदयमा उज्यालो जीवनको पहिचान
खोटाङको काखमा पहाडको हृदयमा
प्रेमको सौन्दर्य सधैँ रङिन मायामा।
दिक्तेल बजार सज्छ प्रेमको आँगनमा
इन्द्रेणी रंग बोकेर झर्छ मायाको धुनमा
हुस्सु, कुहिरो, झरी र भेलको मेल
खोटाङको कथा सधैँ प्रेमको खेल।
-1742801159.jpg)
-1742801159.jpg)
