बलात्कारको आरोपपछि सभामुख पदबाट राजीनामा दिएका कृष्णबहादुर महराले प्रयोग गर्ने तीन गाडी मध्ये एउटा फिर्ता गरेका छन्।
महरालाई संघीय संसद सचिवालयले उपलब्ध गराएको झण्डावाल गाडी फिर्ता भएको हो। ‘झण्डावाला गाडी फिर्ता आएको छ, संघीय संसदको सवारी शाखाका उपसचिव कान्छा दुलालले भने, ‘राजीनामा लगत्तै गृह मन्त्रालयले गाडीको विषयमा हामीलाई सोधेको थियो।’
महरालाई सचिवालयले एउटा गाडी दिएको थियो। उनको सचिवालयले थप एक गाडी प्रयोग गर्ने गरेको थियो। त्यस्तै गृह मन्त्रलायले कालो रंगको गाडी औपचारिक कार्यक्रममा प्रयोगका लागि दिएको थियो।
‘दुई गाडी भोलि फिर्ता आउने जानकारी प्राप्त भएको छ’, दुलालले सेतोपाटीसँग भने।
संघीय संसदमै काजमा कार्यरत एक कर्मचारीलाई बलात्कार गरेको आरोप लागेपछि महराले सभामुख पदबाट राजीनामा दिएका थिए। तर उनले अझै सांसद पद छाडेका छैनन्। नेकपा सचिवालय बैठकले महरालाई सभामुख र सांसद दुवै पदबाट राजीनामा दिन सुझाव दिएको थियो।