चीनमा कोरोना भाइरसको संक्रमण बढेपछि रसुवागढी नाका १५ दिन बन्द हुने भएको छ। सो नाकाबाट चिनियाँलाई नेपाल प्रवेश गर्न रोक लगाइएको छ। बुधबार देखि १५ दिनसम्म उक्त नाकाबाट चिनियाँलाई नेपाल प्रवेश गर्न रोक लगाइएको गृह मन्त्रालयले जनाएको छ।
गृह मन्त्रालयले मुख्यतः तीन कारणले सो नाकाबाट नेपाल प्रवेश गर्न रोक लगाइएको स्पष्ट पारेको छ। तिब्बतमा अहिले ल्होसार चलिरहेको, कोरोना भाइरस र सडक निर्माण कार्य जारी भएकाले चिनियाँलाई नेपाल प्रवेश गर्न नदिएको गृह मन्त्रालयका प्रवक्ता केदारनाथ शर्माले बताए।
चिनियाँलाई नेपाल प्रवेश गर्न रोकेसँगै नेपालबाट पनि चीन जान रोक लगाइएको छ।
‘मुख्य तीनवटा कारणले उताबाट कसैलाई नपठाइएको हो, त्यसैले हामीले पनि त्यहाँ जान रोकेका छौं,’ शर्माले सेतोपाटीसँग भने।