आइतबार बसेको मन्त्रिपरिषद् बैठक बालुवाटारमा जारी छ।
मन्त्रीहरूले ‘फिजिकल डिस्टेन्स’ कायम राख्दै बैठकमा सहभागी छन्।
उपप्रधानमन्त्री ईश्वर पोखरेलको नेतृत्वमा रहेको कोरोनाभाइरस रोकथाम तथा नियन्त्रण उच्चस्तरीय समिति बैठकपश्चात मन्त्रिपरिषद् बैठक बसेको हो।
उक्त समितिले चैत २५ गतेसम्म लकडाउन लम्बाउने सिफारिस गरेको छ।
यस्तै, नेपाल आउने अन्तर्राष्ट्रिय उडानमाथिको प्रतिबन्ध दुई साता थप्ने भएको छ।
बैठकमा लकडाउनका कारण खाद्यान्नको संकटमा परेकाहरूका लागि राहत प्याकेजको घोषणा गर्ने समेत तयारी गरिएको बुझिएको छ।
