सरकारले नयाँ सहरको विकास गर्नका लागि २ अर्ब रुपैयाँ बजेट छुट्याएको छ।
अर्थमन्त्री डा. युवराज खतिवडाले आगामी आर्थिक वर्षको बजेट भाषण गर्दै आधारभूत पूर्वाधार सहितको सुरक्षित र दीगो सहर विकास गरिने घोषणा गरेका हुन्।
मध्यपहाडी लोकमार्गले जोड्ने उपयुक्त १० ठाउँमा नयाँ सहरको विकास गर्नका लागि २ अर्ब छुट्याइने घोषणा गरे।
साथै नवलपरासी र रुकुमपूर्व जिल्लामा सदरमुकामको विकास अघि बढाउन पनि यो रकम खर्च हुनेछ।
यस्तै, उनले काठमाडौं उपत्यकामा ४ वटा व्यवस्थित उपसहर निर्माण गरिने बताए।
सार्वजनिक निजी साझेदारी अवधारणाअनुसार काठमाडौं उपत्यकामा उपसहरको विकास गरिने उनले बताए।
यसले बढ्दो सहरीकरणका कारण देखिएको समस्या समाधान हुने विश्वास व्यक्त गरे।
