नेपाल कम्युनिष्ट पार्टी (नेकपा) जिल्ला पार्टी कार्यालय भरतपुर दाङमा नेकपा एमालेको बोर्ड राखिएको छ।
सोमबार बेलुका प्रधानमन्त्री केपी शर्मा ओली पक्षधर नेकपाका नेता कार्यकर्ताले पार्टी कार्यालयको नाम परिवर्तन गरी नेकपा एमाले लेखेका हुन्। सो क्रममा उनीहरुले नेकपा एमाले जिन्दाबाद भन्दै नाराबाजी समेत गरेका थिए।
ओली समूहका जिल्ला अध्यक्ष हुकुमबहादुर बस्नेतले पार्टी कार्यालयको व्यानर विधिवत रुपमै परिवर्तन गरिएको सेतोपाटीलाई बताए।
सर्वोच्च अदालतको आइतबारको फैसला अनुरुप आफूहरु चलेको उनले बताए। घोराहीस्थित जिल्ला पार्टी कार्यालय, तुलसीपुरस्थित अञ्चल पार्टी कार्यालय र लमहीस्थित क्षेत्रीय पार्टी कार्यालय लगायत सबै सम्पत्ति अहिलेपनि नेकपा एमालेकै नाममा रहेको उनले बताए।
अध्यक्ष बस्नेतले भने ‘सकभर तुलसीपुरस्थित अञ्चल पार्टी कार्यालयको नाम पनि भोलि नै परिवर्तन गर्ने पक्षमा छौं।’
