सरकारले तीन सचिवको सरुवा गरेको छ। अर्थ मन्त्रालयका सचिव शिशिर ढुंगानाको प्रधानमन्त्री कार्यालय सरुवा भएको छ।
अर्थ मन्त्रालयमा मधुकर मरासिनीको सरुवा भएको छ। उनी महालेखा नियन्त्रकको कार्यालयमा थिए।
स्वास्थ्य सचिव लक्ष्मण अर्यालको पनि प्रधानमन्त्री कार्यालयमा सरुवा भएको छ।
स्वास्थ्य सचिवमा डा. रोशन पोखरेललाई जिम्मा दिइएको छ।
सरकारले पाँच दिनअघि सचिव सरुवाको निर्णय गरेको थियो। आइतबार सचिवहरूले सरुवाको पत्र बुझेका छन्।
पत्र बुझेपछि अर्यालले आइतबार नै स्वास्थ्य मन्त्रालय छोडिसकेका छन्। ढुंगाना भने प्रधानमन्त्री कार्यालय जाने तयारी गरिरहेका छन्।
‘साउन १२ गतेको निर्णय भनेर आज पत्र आएको छ,’ एक सचिवले भने।
