निलम्बित प्रधानन्यायाधीश चोलेन्द्रशमशेर राणाले महाभियोग निष्प्रभावी भएको जानकारी माग गर्दै संघीय संसद सचिवालयमा निवेदन पठाएको खुलेको छ।
संघीय संसद सचिवालयका महासचिवलाई मंगलबार निवेदन दिँदै चोलेन्द्र शमशेरले महाभियोग संसदको कार्यकाल समाप्त भइसकेको हुँदा महाभियोग निष्प्रभावी भएकोले प्रधानन्यायाधीशको नियमित काम गर्न पाउनुपर्ने उल्लेख गर्दै पत्र पठाएका थिए।
उनले नियमित कार्यसम्पादन गर्न सम्बन्धित निकायहरूलाई जानकारी गराइदिन पनि माग गरेका थिए।
चोलेन्द्रले पेश गरेको निवेदनमाथि आज जवाफी पत्र दिँदै संघीय संसदका महासचिव भरतराज गौतमले महाभियोग निष्प्रभावी भएको व्यहोराको पत्र दिएका छन्। चोलेन्द्रविरूद्ध गत फागुन १ मा महाभियोग लागेको थियो।
