सर्वोच्च बार एसोसिएसनले प्रधानन्यायाधीश चोलेन्द्रशमशेर राणाविरूद्धको महाअभियोग निष्प्रभावी भएको भन्दै संसद सचिवालयले पठाएको पत्र खारेज गर्न माग गर्दै संवैधानिक इजलासमा रिट हाल्ने भएको छ।
संसद सचिवालयका महासचिव भरतराज गौतमले बुधबार राणासहित राष्ट्रपति कार्यालय, प्रधानमन्त्री कार्यालय, संवैधानिक परिषद्, न्याय परिषद र सर्वोच्च अदालतलाई राणाविरूद्धको महाअभियोग निष्प्रभावी भएको पत्र पठाएका थिए।
‘उक्त पत्र खारेज गर्न माग गर्दै संवैधानिक इजालसमा रिट दिने तयारी गर्दैछौं,’ सर्वोच्च बारका सदस्य अनन्तराज लुइँटेलले भने।
पत्र पाएपछि राणाले आजै सर्वोच्च फर्किने बताएका थिए। तर कार्यालय समय सकिउन्जेलसम्म पनि उनी सर्वोच्च अदालत आएनन्।
-1746009348.jpg)
