प्रमुख तीन राजनीतिक दलका नेताहरूबीच छलफल भइरहेको छ।
प्रधानमन्त्री निवास बालुवाटारमा जारी छलफलमा संक्रमणकालीन न्यायसम्बन्धी विधेयकमा सहमति जुटाउनेबारे कुराकानी भइरहेको प्रधानमन्त्रीको सचिवालयले जनाएको छ।
संक्रमणकालीन न्याय निरूपणमा दलहरूबीच फरक मत हुँदा विधेयक अघि बढ्न सकेको छैन।
दलहरूले यस विधेयकमा निरन्तर छलफल गरेर सहमति जुटाउने बताउँदै आएका छन् तर सहमति जुट्न भने सकेको छैन।
छलफलमा प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवा, एमाले अध्यक्ष केपी शर्मा ओलीलगायत नेताहरूको सहभागिता छ।
