नेकपा माओवादी केन्द्रका प्रवक्ता अग्निप्रसाद सापकोटाले अहिलेसम्म अवसर नपाएकालाई राष्ट्रिय सभा चुनावमा उम्मेदवार बनाउने बताएका छन्।
उनले सत्ता गठबन्धनसँगै मिलेर चुनावमा जाने पनि बताए।
‘राष्ट्रिय सभामा गठबन्धनबाटै भाग लिने कुरा भएको छ,’ केन्द्रीय कार्यालय पेरिसडाँडामा मंगलबार भएको पत्रकार सम्मेलनमा उनले भने, ‘अहिलेसम्म अवसर नपाएकालाई अवसर दिने प्रारम्भिक कुरा भएको छ।’
यसअघि बसेको पदाधिकारी बैठकमा पार्टीले पाउने सिटलगायत विषयमा कुराकानी भएको पनि उनले बताए।
उनले गठबन्धनभित्र छलफल गरी कसले कति सिट पाउने निश्चित भएपछि बस्ने बैठकले पार्टीका तर्फबाट राष्ट्रिय सभा सदस्य चुनावका लागि उम्मेदवार तय गर्ने पनि बताए।
‘आकांक्षीहरूका नाम माग्ने काम भइरहेको छ,’ उनले भने।
