परराष्ट्र मन्त्री एनपी साउदले वैदेशिक लगानीलाई सहजीकरण गर्न सरकारले कुनै कसर बाँकी नराख्ने बताएका छन्।
क्यानडा–नेपाल च्याम्बर अफ कमर्श र क्यानेडिन हिन्दु च्याम्बर अफ कमर्शको संयुक्त प्रतिनिधिमण्डलसँग मंगलबार भएको अन्तर्क्रियामा साउदले यस्तो बताएका हुन्।
आगामी अप्रिलमा आयोजना हुने तेस्रो अन्तराष्ट्रिय लगानी सम्मेलनबारे चर्चा गर्दै मन्त्री साउदले भने, ‘वैदेशिक लगानीलाई सहजीकरण गर्ने सवालमा नेपाल सरकारले कुनै कसर बाँकी राख्दैन।’
क्यानडा र नेपालबीच व्यापार तथा लगानी सम्बन्धका बारेमा पनि छलफल भएको थियो।
क्यानेडिन हिन्दु च्याम्बर अफ कमर्शका अध्यक्ष नरेशकुमार चाव्दाले नेपालमा विशेष गरी कृषि तथा खाद्य, टक्सटायल र जलविद्युतका क्षेत्रमा क्यानेडियन निजी क्षेत्रले काम गर्न चाहेको उल्लेख गरेका थिए।
