राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले पार्टीले गर्ने आन्दोलनका लागि मूल समिति सदस्य सचिवमा ज्ञानेन्द्र शाहीलाई मनोनयन गरेका छन्।
प्रतिनिधि सभा सदस्य रहेका शाही पार्टीका प्रवक्तासमेत छन्।
राप्रपाले बृहत आन्दोलन गर्ने निर्णय गरेको थियो। राजसंस्था र हिन्दु राष्ट्र पुनर्स्थापना र प्रदेश खारेजीका लागि आन्दोलनमा होमिने राप्रपाले निर्णय गरेको थियो।
प्रवक्ता मोहनकुमार श्रेष्ठका अनुसार आन्दोलनका मूल संयोजकसमेत रहेका अध्यक्ष लिङ्देनको नेतृत्व र निर्देशनमा रहेर काम गर्न प्रमुख सचेतकसमेत रहेका शाहीलाई विभिन्न समितिसँग समन्वय गरी काम गर्ने जिम्मेवारी दिइएको छ।
पुस १ गतेदेखि ३ गतेसम्म काठमाडौंमा चलेको केन्द्रीय समिति बैठकले आन्दोलन गर्ने निर्णय गरेको हो।
राजसंस्था, पूर्ण धार्मिक स्वतन्त्रतासहित वैदिक सनातन धर्म सापेक्ष हिन्दुराष्ट्र पुनर्स्थापना र प्रदेश तहको खारेजीको लागि जनदबाव सिर्जना गर्न बृहत् आन्दोलन गर्ने निर्णय राप्रपाको छ।
राप्रपाले फागुनमा मेची-महाकाली एकता यात्रा र उपत्यका केन्द्रित प्रदर्शन गर्ने तयारी गरेको छ।
1674022256.JPG)
